என்னோடு பேச வா நிலவே
உன்னோடு எந்தன் சொர்க்கம் காண்கிறேன்
இமையோடு இமை சேர்த்து மூடிக்கொள்ள
இதழொழுடு முத்தம் பரிமாறிக்கொள்ள
இனியொரு கணம் பிரிந்திருக்க வேண்டாமே ...!!!
தீராத மோகம் என்னுள் தீயென கொதிக்கிறது
நிலவென உன் முகம் காணும் பொழுது
தீண்டியது எவருமில்லை உன் விரலை
என்னையும் தென்றலையும் தவிர...!!!
இன்னும் துடிக்கிறதடி இதயம் , சத்தியமாய்
உன்னைப் பார்த்து உறைந்து போன இந்த
உடலில் இதயம் மட்டும் துடிக்கிறது உனக்காக...!!!
வீசிவிட்டாய் ஒற்றை அம்பை பார்வையால்
உனக்கென்ன உறங்கியும்விட்டாய்
என்னவளே தந்துவிட்டு போ காதல் எனும் மருந்தை...!!!
பிரம்மன் வடித்த சிலையே - கொடி இடையே
உன் அழகை வர்ணிக்க தமிழைக் கலைத்து
தலை புரட்டி வார்த்தைகளை யாசகம் கேட்டு
கவிதை எழுத சித்தம் கொண்டேன்
அழகியல் வார்த்தைகள் அத்தனையும்
என் வீட்டு வாசலில் அணிவகுத்து நிற்கின்றன
உன் அழகைப் பாட .. அவற்றில் கடைசியாய் நிற்கிறேன் நான்.
- ப. மதி அழகன்
